في أحد الأيام الربيعية الجميلة << "إي بالكويت وكيفكم عاد لا تصدقون..!" ..
وفي زاويتي المشمسة، جلست
"أتطمش على إللي رايح وإللي راد" في حديقة كلية العلوم الموقرة..
فجاءني إلهام منزل من "كشة" أحد الزملاء.. و آخر من "صماخ" إحدى الزميلات.. فكتبت ما كتبت تالياً :
يقولوا آخر الهسترة صرعة ..!
وعيالنا كرام ما عليهم قصور ..!
اليوم كشة .. وبكرة قرعة ..!
كل هم فلان يصير مشهور ..!
يجيك ذاك على راسه زرعة ..!
والبنات (( أويــــــــلي )) قدامه طابور ..!
كل وحدة فيهم فوقها قلعة ..!
مدري راس يبوووي ولا حنطور ..!
إن تحوشها من ذا الصوب فلعة ..
يطلع موب شعر .. ديكور ..!!
والحاجب من الثمان انقلب سبعة ..!
ياهو جنون أو كلن صار يخور ..!
مو أي هبــّـة تفزعولها فزعة ..!
إن كنت شاب ، محجبة أو سفور ..!
ارحمونا شوي شبعنا خرعة ..!
ويكفي الأوادم عطلة مرور ..!
استهدوا بالله واذكروا شرعه ..!
بلا لوك وعلل ما بعدها أجور ..!
-
"عسى الله أن يوفق الأمة إلى ما فيه الصلاح"
-
Denya.Mix
29- 3- 2009
